LENTA E GATINERA, IJ SITADIN A DISO NO A L AFUSION
Ij sitadin ëd Lenta e ‘d Gatinera a l’han arpossà con un referendum la proposission ëd fusion dij doi comun.
Ij moviment autonomista Liberi Elettori Piemonte e Movimento Progetto Piemonte ansema a ‘d comità ‘d sitadin a l’è già dal 2019 ch’a pòrto anans la bataja ‘ncontra la fusion dle comun-e amponua da l’àut.
Vaire sitadin a-i-ero lamentasse përchè a procedìo a le fusion bele ‘ncontra la volontà dij sitadin.
As trata nen d’essi contrari a le fusion tout court…bin faite le fusion dle comun-e con ël but d’ësparagné arsorse e amelioré ij servissi! Ma prima a venta ciameje ai sitadin con un referendum; e se l'arzultà a l'è negativ pa procedi a la fusion mé s'è fasse fin-a a ora.
Liberi Elettori e Mpp a l’avìo faje present sòn an region. Ël consijé regional Andrea Cane a l’ha però garantì che minca comun a avrà ‘l drit ëd decidi con àutonomia sò avnì.
Commenti
Posta un commento